Фото: Принтскрин
Надзорна камера забележала момент на подметнување пожар во делчевската населба Први Реон, во вечерните часови на 9 јули. На видеоснимката на „Делчево365“ јасно се гледа непознато лице кое намерно запалува дел од теренот, по што веднаш бега од местото на настанот, обидувајќи се да го избегне откривањето.
Инцидентот го пријавил жител на Делчево до надлежните служби, кои веднаш биле алармирани. Случајот предизвика вознемиреност кај локалното население, особено поради тоа што пожарот се случил во доцните вечерни часови, кога реагирањето е потешко, а опасноста од проширување на огнената стихија е поголема.
Видеото го објави порталот Делчево365.
