Куќен притвор за лицето кое е осомничено дека ја нападнало Арсовска

Лицето со иницијали С.Љ., кое се товари за физички напад и упатување закани кон градоначалничката на Град Скопје, Данела Арсовска, доби мерка куќен притвор, соопшти Основното јавно обвинителство Скопје.

И второто лице, кое исто така има иницијали С.Љ. и е инволвирано во истиот инцидент, се соочува со рестриктивни мерки – му е изречена забрана за приближување и каков било контакт со градоначалничката.

„С.Љ., осомничени дека вербално и физички ја нападнал оштетената му се определува мерка куќен притвор во траење од 8 дена, со оглед да се работи за скратена постапка; Додека на второ осомничениот, исто така со иницијали С.Љ, кој се товари дека се заканувал кон оштетената, му се определуваат мерки за претпазливост согласно чл. 146 ст.1 т. 1,2,3 и 6 од ЗКП односно: Забрана за напуштање на живеалиштето, Обврска за повремено јавување во судот, Одземање на патната исправа и Забрана за приближување и контактирање со одредени лица“, соопштија од Судот.