Фото: Принтскрин
По поднесената пријава за физички напад врз градоначалничката на Скопје, Данела Арсовска, полициски службеници од СВР Скопје привеле две лица кои се сомничат дека биле дел од инцидентот.
Како што информираат од Министерството за внатрешни работи, двете лица се задржани во полициска станица каде што во моментов со нив се вршат службени разговори со цел да се утврдат сите околности поврзани со нападот.
Од МВР додаваат дека се преземаат сите потребни активности и истражни дејствија со цел целосно расветлување на случајот, како и идентификување на сите инволвирани во настанот.
