Косовска министерка бара трансфер на терористите од Диво Насеље – меѓу нив е и нејзин зет

Министерката за правда на Косово, Албулена Хаџиу, поднела официјално барање до македонските власти за трансфер на нејзиниот зет, Мухамет Красниќи, кој е осуден на доживотна казна затвор во случајот „Диво Насеље“, како и уште четворица други осудени во истиот предмет, во казнено-поправни установи на територијата на Косово.

Според документ до кој дошол порталот „Папараци“, Хаџиу преку дипломатски канали побарала од својот македонски колега да дозволи префрлање на осудените во косовски затвори, со образложение дека тоа би било во интерес на семејствата и правата на затворениците.

Сепак, барањето на министерката не било прифатено од македонските власти и осудените ќе останат во затвор.