Фото: Александар Стојкоски
Со голема чест и искрена радост беше пречекан младиот музички талент Никола Станишиќ – победникот на регионалното музичко натпреварување „Ѕвездите на Гранд“ и новата ѕвезда на балканската сцена, кој со својот успех ја испиша уште една горда страница за Македонија.
Под ведро небо, во срцето на Централниот парк во Ѓорче Петров, му беше оддадено признание за неговата извонредна победа, но и за тоа што со својата музика и харизма успеа да го прослави името на нашата општина и нашата земја надвор од границите.
Никола не е само музички победник – тој е инспирација за многу млади, доказ дека со труд, талент и посветеност, можат да се постигнат големи соништа. Горди сме што потекнува токму од Ѓорче, и со нетрпение го очекуваме неговиот следен успех.
