Фото: МВР
Во рамки на засилените активности за справување со пожарите во скопскиот регион, полицијата синоќа (09 јули) презеде акција во подрачјето на ЕВР Гази Баба, во близина на локацијата Ајватовски рид, кај населбата Илинден.
Околу 23:40 часот, при извршен преглед на три малолетни лица – странски државјани, полициските службеници пронашле сомнителни предмети во нивниот ранец. Според информациите, биле откриени две пластични шишиња со по 1,5 литри бензин, две петарди, запалка и течен лепак – предмети кои предизвикуваат сериозни сомнежи за можност од намерно поттикнување пожар.
Тројцата малолетници веднаш биле приведени и лишени од слобода. Согласно законските процедури, во присуство на дежурен тим од Центарот за социјални работи и адвокат, со нив е извршен службен разговор.
