Фото: Принтскрин
Американскиот претседател Доналд Трамп им рекол на донаторите на приватен настан во 2024 година дека му се заканил на рускиот претседател Владимир Путин дека ќе ја „бомбардира Москва“ доколку ја нападне Украина, според аудио-снимка објавена од CNN.
„Му реков на Путин: ‘Ако влезеш во Украина, ќе ја бомбардирам Москва. Немам избор’“, се слуша како вели Трамп на снимката од настанот за собирање средства. „А тој ми рече: ‘Не ти верувам.’ Но ми веруваше 10 отсто“, додал Трамп.
Претседателот на САД тврдел и дека му испратил слична порака на кинескиот претседател Си Џинпинг, предупредувајќи го дека САД ќе го бомбардираат Пекинг ако Кина започне инвазија на Тајван. „Мислеше дека сум луд“, рекол Трамп за Си. „Но никогаш не сме имале проблеми.“
