Фото: Принтскрин
Никола Станишиќ, младиот пејач од Скопје, ја освои титулата победник на музичкото натпреварување „Ѕвездите на Гранд“, а беше дел од тимот на Светлана Цеца Ражнатовиќ.
Зад неговиот успех се крие инспиративна приказна за семејство кое за време на НАТО агресијата го напуштило Косово и Метохија и нашло нов дом во Македонија. А еве кој е неговиот татко, кој исто така е музичар.
Станува збор за Срѓан Здравковиќ, пејач кој со години работел во странство за да ѝ обезбеди подобар живот на својата фамилија.
– Никогаш во животот не треба да се губи надеж. На Албанците тогаш им ја продадов куќата за ништо. Тоа ми беше најголемиот проблем во животот, ништо повеќе. Сè што сум заработил е од музиката, Господ ми даде глас и работа – изјави за Гранд Срѓан, кој и самиот беше учесник во музичкото натпреварување „Никогаш не е доцна“.
За време на натпреварувањето, збунетост предизвика разликата во презимињата помеѓу Никола и неговиот татко.
– Моето презиме е Станишиќ, и неговото беше такво додека не се пресели во Германија. Кога замина таму, сакаше српски документи затоа што е Србин. Јас не го сменив презимето – објасни претходно Никола.
