(Видео) Кој е Никола Станишиќ? Татко му се натпреваруваше во „Никогаш не е доцна“, а тој победи во „Ѕвездите на Гранд“

Со својот сјаен вокал и настапи полни емоции, Никола Станишиќ ја однесе победата на синоќа одржаното финале на „Ѕвездите на Гранд“, а многумина не забележаа дека неговиот татко оваа сезона се натпреваруваше во емисијата „Никогаш не е доцна“.

Победникот на „Ѕвездите на Гранд“ е роден на 18 февруари 2000 година во Скопје, каде што ја завршил гимназијата, а слободното време најмногу сака да го поминува играјќи фудбал со пријателите. По професија е пејач и има свој бенд со кој настапува низ цела Европа, а со својот глас и енергија успева да ја освои публиката на разни сцени.

Кога првпат оваа сезона застана на сцената на „Ѕвездите на Гранд“, неговиот глас веднаш го препозна поранешната менторка Марија Шерифовиќ, која заедно со останатите шест члена од жирито, му даде глас.

Неговите интерпретации на песните ги воодушевија сите, а најмногу Цеца Ражнатовиќ, чија поддршка Никола не ја очекувал.

Сепак, неговата насмевка не ја освои само публиката на „Ѕвездите на Гранд“, туку и онаа од музичкото натпреварување „Никогаш не е доцна“, во кое Никола неколкупати учествуваше. Причината за тоа е неговиот татко Срѓан Здравковиќ, кој се натпреваруваше во шоуто за музички ветерани.