(Фото) Македонски државјанин загина во сообраќајка во Србија – познат е неговиот идентитет

Трагедија на автопатот Нови Сад – Суботица, едно лице од Македонија го загуби животот, а друго е тешко повредено во сообраќајна несреќа што се случила рано утрово. Веста ја потврдија надлежните од Полициската управа во Суботица за Радио-телевизија Србија (РТС).

Несреќата се случила во правецот кон граничниот премин Хоргош, кога патничко возило од марката „КИА“, со македонски регистарски ознаки, излетало од коловозот меѓу клучката Жедничка и наплатната рампа кај Суботица. По излетувањето, возилото се превртело, предизвикувајќи сериозни последици.

На лице место животот го загубил сопатникот со иницијали Н.А. (39), додека возачот А.А. (60) се здобил со тешки телесни повреди и веднаш бил префрлен во болницата во Суботица, каде што му се укажува итна медицинска помош.

Фотографијата може да се погледне ТУКА.