Фото: Принтскрин
Во летните месеци, кога грчките плажи се полни со туристи и локално население, сè поактуелна станува борбата за слободен пристап до морскиот брег. Во таа насока активно делува здружението на граѓани MyCoast, кое се залага за заштита на правото на секој човек да ужива на плажите без да биде спречен од приватни интереси.
Особено внимание привлекува граѓанската иницијатива „Пешкири за плажа“ (Towel Movement), која започна на островот Родос, а денес е распространета низ цела Грција. Ова движење испраќа силна порака дека морето и плажите се јавно добро и треба да бидат достапни за сите – без оглед на тоа колку некој заработува или од каде доаѓа.
Вистинската причина за незадоволството на граѓаните лежи и во енормните цени за изнајмување плажни реквизити на некои од популарните дестинации. Така, во луксузниот дел на Вулијагмени, резервирањето сет од две лежалки за време на викендите може да чини и до 235 евра, додека во работните денови цената паѓа на околу 175 евра. Во Кавурија, пак, викенд резервирањето на „урбан“ простор за сончање достигнува 180 евра, а обичните лежалки се наплатуваат по 130 евра.
Повеќе за тоа може да се прочита ТУКА.
