Фото: ДЗС
В.д. директор на Дирекцијата за заштита и спасување, Стојанче Ангелов, вчера потпиша договор за повторен ангажман на двајцата пензионирани пилоти на противпожарните авиони „Ер Трактор“ – Стоје Арсовски и Васко Михалчев.
Со нивното враќање на работа, леталата на ДЗС повторно ќе бидат ставени во оперативна готовност за интервенции при гаснење на пожари на отворено, што е од особено значење во пресрет на летната сезона, кога ризикот од пожари е зголемен низ целата територија на Република Македонија.
Дополнително, од Дирекцијата информираат дека вториот авион, кој моментално се наоѓа на редовен сервис во Австрија, се очекува наскоро да се врати и да биде подготвен за акција.
