Арсовска со порака до Агелер: Не ви е малку незгодно гости да ви се лица кои треба да бидат на „црна листа“

Градоначалничката на Град Скопје, Данела Арсовска повторно објави статус на социјалните мрежи, во кој упати порака до американската амбасадорка во Македонија, Анџела Агелер.

„Добро утро Амбасадорке Агелер, среќен нека е денот на независноста на САД.

Само да прашам, не ви е малку незгодно во листата на ВИП гости вчера што ви беа лица кои треба да ви се на црна листа на санкции.

Овие двајцава незгодно насмеани на фотографијава, за кои имаат институциите цврсти докази за криминал во најмалку 152 случаи и за кои се спроведуваат сериозни истраги во моментов, наместо да ви се на црна листа на санкции на САД насочени против поединци и бизниси вклучени во корупција и нарушување на човековите права, ви беа во прв ред во Амбасада вчера“, пишува Арсовска.