Фото: Janko Ilkovski
Македонија ќе го прошири капацитетот на граничниот премин Богородица со отворање на две дополнителни излезни ленти за патнички сообраќај, како и уште една лента наменета за влез на товарни возила. Ова денеска го соопшти министерот за внатрешни работи Панче Тошковски на заедничка прес-конференција со својот колега од Литванија.
Тошковски информираше дека покрај краткорочните мерки за олеснување на сообраќајот, во план е и долгорочно решение – пренасочување на товарниот транспорт преку посебен граничен премин, слично на моделот што веќе го применува соседна Грција.
Во текот на летната туристичка сезона, Богородица е еден од најфреквентните гранични премини, користен не само од македонските граѓани туку и од бројни туристи од регионот кои патуваат кон грчките одморалишта.
