Македонецот Кире победи во шоуто „Никогаш не е доцна“ (Видео)

Големото финале на музичкото шоу „Никогаш не е доцна“ се одржа вечерва, а македонскиот натпреварувач Кире Науновски се закити со една од трите престижни титули.

Оваа сезона во финалето се натпреваруваа 12 талентирани учесници, а организаторите одлучија победниците да се изберат во три категории – според гласовите на жирито, публиката преку СМС и гласовите на гледачите на Фејсбук.

Во категоријата „гласови преку Фејсбук“, убедлива победа однесе токму Кире Науновски. Со својата изведба ги освои срцата на публиката и доби најмногу поддршка на социјалните мрежи. По објавувањето на резултатите, Кире упати искрена благодарност до сите што гласале за него и му ја дале својата доверба.