Србин тргнал кон Грција, па кај Демир Капија доживеал огромна непријатност

Несекојдневен инцидент се случил доцна во ноќта во близина на Демир Капија, на дел од патот кој, според изјавата на возачот, е без заштитни огради што би спречиле влез на диви животни на коловозот. Токму на таа локација, автомобил налетал на дива свиња која одненадеж излегла на патот, а судирот бил неизбежен, пренесува „Телеграф“.

„Не можев ниту да претпоставам дека толку голема дива свиња ќе се појави пред моето возило. До сега сум видел многу помали животни, како ежови или мачки, згазени по патиштата, но вакво нешто искрено ме шокира“, напиша возачот во својата објава на Фејсбук страницата „Grčka Info“, при тоа апелирајќи до сите возачи да бидат особено внимателни при ноќни патувања.

Судирот оставил сериозни последици врз возилото – целосно оштетени биле предниот браник, маската и радијаторот, а според фотографиите споделени на социјалните мрежи, штетата не е нималку мала.