Фото: Принтскрин
Повеќе од 216.000 македонски граѓани досега добиле бугарски пасош, односно стекнале бугарско државјанство – покажуваат официјалните податоци што ги соопшти бугарскиот министер за внатрешни работи, Даниел Митов.
Според информациите што ги пренесе новинската агенција „БГНЕС“, бројката ја одразува долгогодишната пракса на граѓани од Македонија да аплицираат за бугарски документи, главно поради полесен пристап до земјите од Европската унија.
„Во периодот од 1 јануари 2007 година до 17 јуни 2025 година, издадени се 216.594 пасоши на бугарски граѓани за кои постојат информации за второ државјанство на Република Северна Македонија“, изјави Митов.
