Фото: Принтскрин
Претседателот на Украина, Володимир Зеленски, денеска се обрати на Самитот на Европската Унија во Брисел, нагласувајќи ја потребата од ригорозен и сеопфатен 18-ти пакет санкции против Руската Федерација.
Тој истакна дека овие санкции треба да се фокусираат на неколку клучни сектори кои и понатаму ѝ овозможуваат на Москва да ја одржува својата воена агресија.
„Санкциите се меѓу најмоќните инструменти за ограничување на руската агресија врз Украина. Време е за вистински силен и ефективен 18-ти пакет санкции од ЕУ. Треба да се насочиме кон трговијата со руска нафта, руските банки и останатите финансиски институции, како и сите логистички и технолошки синџири што ѝ овозможуваат на Русија да продолжи со производството на оружје“, порача Зеленски.
