УХМР со предупредување – доаѓа силно невреме во Македонија

Управата за хидрометеоролошки работи издаде вонредно метеоролошко предупредување за утрешниот ден, поради очекуваните екстремни временски услови.

Според најавите, времето ќе остане исклучително топло, со високи температури кои ќе ја задржат термичката нестабилност во атмосферата. Во попладневните и вечерните часови се очекуваат локализирани појави на нестабилно време, проследени со пороен дожд и грмежи.

Локално се можни поинтензивни невремиња, со изразени атмосферски неприлики: обилен дожд, силни удари на ветер, интензивни електрични празнења и појава на град.