Арсовска: Дете од 11 години градело зграда од 1,5 милион евра, а на 12 години ја легализирало

Градоначалничката на Скопје, Данела Арсовска, во име на Градот, поднесе кривични пријави за 20 нови случаи на сомнителна легализација на нелегални градби на територија на Општина Чаир. Пријавите се доставени до Основното јавно обвинителство за гонење на организиран криминал и корупција.

Арсовска истакна дека станува збор за масивни објекти, а не за помали доградби како тераси или гаражи. Според неа, се легализирале цели згради изградени спротивно на важечките урбанистички и градежни регулативи. За еден од тие објекти, само трошоците за изградба надминувале еден милион евра, додека обврските кон градот, како што се комуналиите, изнесувале над 1,5 милион евра.