Фото: Принтскрин
Премиерот Христијан Мицкоски, кој денеска присуствуваше на презентацијата на извештајот на Управата за финансиска полиција во Клубот на пратеници, изјави дека новата влада целосно е свесна за тежината на задачата што ја презеде.
Тој нагласи дека еден од нејзините најголеми приоритети е враќањето на правдата во институциите, таму каде што, како што рече, со години била изместена или игнорирана.
„Сериозен е податокот што од 1 септември 2024 до 10 јуни 2025 година, Финансиската полиција поднела 36 кривични пријави, со кои е откриена штета или е утврдена и противправна имотна корист во висина од речиси 30 милиони евра. Овие пари се на граѓаните, и ова е пример како се штити имиџот на државата. И овие бројки се најсилен доказ дека државата се буди и дејствува. Нема веќе недопирливи. Нема веќе молк. Ова е ново време на одговорност“, кажа Мицкоски.
