Фото: Принтскрин/Радио Кочани
Во моменти кога човечноста и подадената рака значат најмногу, Борчо Горѓиев од Виница испрати силна порака на солидарност и грижа за заедницата.
Како чин на поддршка кон семејствата од Кочани кои беа погодени од неодамнешниот разрушителен пожар, тој се понуди бесплатно да ги монтира нивните клима уреди.
Со овој гест, Горѓиев не само што им олеснува настраданите денови исполнети со стрес и загуби, туку и ја потсетува јавноста дека вистинската хуманост се мери преку дела, а не зборови.
„Во вакви моменти мораме да си помагаме. Ако барем малку можам да придонесам со мојата работа, тоа ќе го направам со цело срце“, изјави Горѓиев.
