Фото: Принтскрин
На денешната 54. седница на Собранието на Република Северна Македонија, со 65 гласа „за“, 15 „против“ и без воздржани, пратениците ги избраа Азир Алиу за нов министер за здравство, а Албрим Хоџа за нов заменик-министер за земјоделство, шумарство и водостопанство.
Назначувањето предизвика бурни реакции во салата, особено од опозициските редови. Пратеникот на СДСМ, Миле Талески, изрази сериозна загриженост за изборот на новиот министер за здравство, оценувајќи го како непромислен потег.
„Срамно е што за министер за здравство, власта ќе постави информатичар кој веројатно нема поим колку болници има во државата, колку здравствени домови има, а камоли да знае што навистина му е потребно на здравството“, кажа Талески.
