Фото: Принтскрин
На 8 јуни 2025 година, во 21:11 часот, во Полициското одделение Гостивар било пријавено дека во Медицинскиот центар во градот бил донесен маж на возраст од 43 години, со иницијали Р.К., жител на селото Калиште во гостиварскиот регион, кој починал за време на укажување на итна медицинска помош.
Според првичните информации од пријавата, мажот бил каснат од пчели, а се претпоставува дека смртта настапила како резултат на тешка алергиска реакција – анафилактичен шок.
И покрај напорите на медицинскиот тим да го стабилизираат неговото здравје, тој починал кратко по пристигнувањето во здравствената установа.
