Фото: Фудбалска репрезентација на Македонија
Македонската фудбалска репрезентација извојува вредна победа од 1-0 на тешкото гостување во Астана, совладувајќи ја селекцијата на Казахстан во рамки на четвртото коло од квалификациите за Светското првенство.
Домаќините беа поактивни во првиот дел, создадоа неколку опасни шанси и дури ја погодија стативата, но сигурната интервенција на Столе Димитриевски и одбраната ја зачуваа мрежата недопрена. И покрај притисокот на Казахстан, Македонија одговори со максимална ефикасност.
Во 33. минута од натпреварот, искусниот Александар Трајковски со прецизен и силен волеј удар успеа да ја затресе противничката мрежа и да ѝ донесе водство на Македонија. Тоа се покажа како доволно за конечен триумф, бидејќи до крајот на мечот резултатот не се промени.
Со оваа победа, Македонија го презеде водството во групата Ј со вкупно осум бодови од четири натпревари. На второто место е Велс со седум поени, додека Казахстан има три. Белгија досега освои само еден бод, а Лихтенштајн останува без освоени поени.
