Фото: Принтскрин
Хрватскиот голман Филип Ивиќ со големи емоции ја прослави шампионската титула со Еурофарм Пелистер, која тимот ја обезбеди по драматична победа над Вардар во спортскиот центар „Јане Сандански“.
Ивиќ, кој беше еден од клучните играчи во овој историски успех, денеска преку социјалните мрежи откри дека титулата ја посветува на својот пријател и сонародник, покојниот Никола Покривач – поранешен хрватски фудбалски репрезентативец кој трагично го загуби животот минатиот месец во сообраќајна несреќа во Хрватска.
