Момче заврши во полиција – украл кутија со пари од црква

Млад жител на Кавадарци е приведен под сомнение дека извршил тешка кражба, при што одзел пари од црква и украл средства наменети како донација за лекување на болно дете.

Како што соопштија од Секторот за внатрешни работи Велес, осомничениот е лишен од слобода, а против него ќе биде поднесена соодветна пријава.

„Вчера во 11:40 часот, полициски службеници од ОВР Кавадарци го лишија од слобода М.О.(19) од овој град, затоа што тој од верски објект (црква) во Кавадарци со употреба на алат и сила, од касетите во објектот одземал пари и кутија во која имало пари за донација на болно дете“, соопштија од СВР Велес.