Фото: Принтскрин
Јавен обвинител од Основното јавно обвинителство Скопје издал Наредба за спроведување истражна постапка против тројца осомничени лица, кои се товарaт дека како соизвршители се обиделе да извршат кривично дело – Убиство, предвидено во член 123 став 2 точка 3 во врска со член 19 од Кривичниот законик.
„Осомничените, од кои двајца браќа и нивен познаник, со умисла се обиделе да лишат од живот едно лице и го довеле во опасност животот на уште двајца. Делото го извршиле пред фитнес клуб во Чаир, на 1 јуни во вечерните часови.
Инцидентот започнал како вербална расправија во која си разменувале навреди и пцовки, а продолжил и со физичка пресметка, па во еден момент првоосомничениот извадил нож со кој го прободел оштетениот во коленото, стомакот и градите. Повреди им биле нанесени и на другите двајца оштетени кои се обиделе да ги раздвојат и да му помогнат на прободениот.
Јавниот обвинител за сите тројца осомничени достави предлог за определување мерка притвор до судијата на претходна постапка“, се вели во соопштението.
