Фото: Принтскрин
Министерот за одбрана на Хрватска, Иван Анушиќ, денес го претстави планот за повторно воведување на задолжителниот воен рок во траење од два месеца, со месечна нето плата од 1.100 евра.
„Државата планира на овој начин да оспособи од 800 до 4.000 војници годишно“, изјави Анушиќ при претставувањето на измените и дополнувањата на Законот за одбрана и Законот за служба во вооружените сили, кои се предуслов за враќање на задолжителната воена обврска.
Измените ќе бидат подложени на јавна расправа, по што за нив ќе се изјасни и хрватскиот парламент.
Министерот објасни дека задолжителниот воен рок за млади лица на возраст од 19 години се воведува со цел да се обезбеди посилна одбранбена подготвеност и подобра поврзаност на граѓаните со националната безбедност.
