Фото: Принтскрин
Претседателот на СДСМ, Венко Филипче, на трибина организирана од Социјалдемократската младина во Струмица, остро ја критикуваше актуелната влада предводена од ВМРО-ДПМНЕ.
Во своето обраќање пред младите социјалдемократи и поддржувачи, Филипче истакна дека сегашната власт, наместо да создава услови за напредок и подобра иднина, систематски ги уништува перспективите на граѓаните.
„Христијан Мицкоски и ВМРО-ДПМНЕ ја урнисаа економијата, направија цените да растат без контрола. Затоа, сега упатувам јасна порака: да си ја земеме државата назад. Да ја вратиме на вистинскиот европски пат. Многумина прашуваат што е бенефитот? Бенефитот е тоа што тоа ќе биде признание за нашиот идентитет. Затоа што тоа ќе биде начин на којшто поквалитетно ќе се живее. И затоа што влезот во Европа е конечно обединување на сите Македонци“, кажа Филипче.
