Фото: Принтскрин
Сцена која ги стопли срцата на многумина: мечка со две мали мечиња беше снимена како мирно шета покрај патот Маврово–Дебар, пред да се повлече назад во шумската длабочина.
Видеото брзо се прошири на социјалните мрежи и предизвика бројни симпатии и коментари од граѓаните.
Според експертите за диви животни, ваквите средби се сè почести во летниот период, кога мечките се спуштаат поблиску до населените места во потрага по храна, често привлечени од несоодветно фрлен отпад.
Од Националниот парк апелираат до граѓаните да не се доближуваат до мечки, особено ако станува збор за мајка со младенчиња, бидејќи може да реагира агресивно во обид да ги заштити.
