Фото: Принтскрин
Потпретседателот на ДУИ, Арбер Адеми, изрази сериозна загриженост за актуелните политички насоки на владата предводена од Христијан Мицкоски, оценувајќи дека тие водат кон враќање на Албанците во положба слична на онаа пред вооружениот конфликт во 2001 година.
Во интервју за емисијата „Дијалог те Лајми“, Адеми посочи дека дел од македонските аналитичари и политички актери отворено говорат за можен „втор чин“ од настаните во 2001 година, со што, како што вели, се поттикнува реторика на реваншизам кон Албанската заедница.
Според Адеми, постои долгорочна и координирана стратегија меѓу ВМРО-ДПМНЕ и СДСМ, која датира од 2022 година, а која има за цел политичко исклучување и маргинализација на Албанците од процесите на одлучување и управување во државата.
„Во јавноста се зборува дека сега следува второто полувреме од играта меѓу Македонците и Албанците, каде што некои тврдат дека Албанците го добиле првото полувреме и сега сакаат да го поништат резултатот“, рече Адеми.
Тој е уверен дека оваа битка не може да ја добијат оние кои ги обвинува дека се обидуваат да ги маргинализираат Албанците
