Арсовска: Наместо да филозофираат, треба да ги фатат криминалците, а не Ганиу и Меџити да уништуваат докази

Градоначалничката на Скопје Данела Арсовска на социјалните мрежи упати сериозни обвинувања кон државните институции, тврдејќи дека тие не само што не преземаат мерки против откриениот криминал, туку активно го поддржуваат и прикриваат криминалот.

Арсовска се повика на конкретен случај поврзан со легализација на објект со, како што посочува, фалсификувани документи. Според неа, Општина Чаир вчера, на 27 мај во 14:44 часот, поднела до Агенцијата за катастар на недвижности решение за поништување на претходно издаденото решение за легализација, за кое постои сомнение дека е дел од криминална активност.