Отворен нов трговски центар во Македонија – се простира на повеќе од 17.000 м2

Со свечена церемонија што се одржа денес, официјално беше отворен новиот трговски центар „Охрид Мол“, кој претставува значајно урбано збогатување за градот.

Современиот шопинг простор се простира на површина од преку 17.000 квадратни метри и располага со сопствен паркинг капацитет за повеќе од 250 возила, овозможувајќи лесен пристап за посетителите.

Во „Охрид Мол“ ќе работат фирмите: NewYorker, Sinsay, D Sport, DM drogerie markt, маркети „Жито“, „Meга Фешн“, Office Plus, Duki Daso, Sara Fashion, „Виа Фарм”, „La Familia“, парфимерија Piano, IQOS, Umbrella, игротека „Уно“, Playpark, Nocciolino Lounge Bar” и експозитура на „Хaлк Банка“.