Фото: RK Alkaloid
По откажувањето на вториот финален натпревар од Европската лига на ЕХФ помеѓу ракометниот клуб Алкалоид и грчкиот АЕК, кој требаше да се одигра синоќа, но не се одржа поради одлуката на гостинскиот тим да не излезе на терен, македонскиот претставник се огласи со официјално соопштение.
Од клубот изразија длабока благодарност до сите навивачи за силната поддршка и присуството, нагласувајќи дека жалат што публиката била лишена од спортскиот спектакл поради, како што наведуваат, одбивањето на АЕК да одигра фер и спортски натпревар.
Во соопштението се наведува дека сите што купиле билети преку интернет ќе добијат автоматски поврат на средствата во рок од 15 работни дена, и тоа на истата трансакциска сметка од која била извршена уплатата.
