Фото: Принтскрин
Екипата на АЕК од Атина се огласи со официјално соопштение по одлуката да не се појави на теренот во спортската сала „Борис Трајковски“ во Скопје, каде требаше да се одигра реванш-финалето од ЕХФ Европскиот куп против македонскиот Алкалоид.
Грчкиот шампион ја образложи својата постапка со ставот дека не може да настапи без поддршка од своите навивачи. Според клубот, навивачите одбиле да влезат во салата поради тоа што добиле само 200 билети, што, според нив, не било доволно за организираната поддршка која патувала кон Скопје.
„АЕК значи чест, гордост, почит, морални вредности. АЕК значи семејство, АЕК значи унија. Најголемата поддршка на АЕК се навивачите. А, непочитта кон нив во овој свет е непочит и кон АЕК. Вечерва, семејството на АЕК испрати едногласна порака и донесе тешка, но потребна одлука. Ниедна сила во светот не може да направи неправда како властите во Скопје што се обидоа да направат. Не дозволија наши навивачи да ја минат границата и да влезат во земјата, нешто што беше одобрено на состанокот. Сите сме обединети, не преговараме за честа на АЕК!“, велат од клубот.
ΑΕΚ σημαίνει τιμή, υπερηφάνεια, σεβασμός, ηθικές αξίες. ΑΕΚ σημαίνει οικογένεια, ΑΕΚ σημαίνει ΕΝΩΣΗ! Το μεγαλύτερο στήριγμα διαχρονικά της ΑΕΚ είναι ο φίλαθλος κόσμος της.#aek #aekhandball #aekfamilyhttps://t.co/jfCyHXP1RB
— AEK Athletic Club (@aek_official) May 25, 2025
