Грците дојдоа да прават циркуз во Скопје, а не да играат ракомет

Грчкиот тим АЕК гостува во Скопје каде што требаше да го игра реваншот против Алкалоид во финалето на Европскиот куп на ЕХФ, меѓутоа натпреварот засега е одложен.

Навивачите од нашиот јужен сосед пристигнаа пред салата, но одбија да влезат и очигледно намерата им е да прават циркуз, а не да гледаат ракомет и да го поддржат својот тим.

Наводно причината за одбивањето да влезат во салата на грчките навивачи е тоа што дел од нивните сонародници биле запрени на граница и не биле пуштени да влезат во Македонија.

Грците направија идентичен циркуз и против Партизан, кога одбија да играат поради испади на домашните навивачи.