Фото: Принтскрин
Грчкиот премиер Киријакос Мицотакис изјави дека Турција мора да ја повлече својата долготрајна закана со војна против Грција ако сака да добие пристап до европските средства наменети за одбранбени цели.
Иако и Грција и Турција се членки на НАТО, тие се наоѓаат во постојан политички и дипломатски судир, пред сè поради несогласувањата околу воздушниот простор, разграничувањето на морските граници и статусот на поделениот остров Кипар.
Според агенцијата „Ројтерс“, еден од главните извори на тензии потекнува од резолуцијата на турскиот парламент од 1995 година, со која е прогласена можноста за војна („casus belli“) доколку Грција еднострано ги прошири своите територијални води во Егејското Море над шест наутички милји.
