Фото: Принтскрин
Припадници на Управата за гранична полиција на Србија, за време на засилената контрола на движењето на мигранти во подрачјето меѓу Шид и границата со Хрватска, пронашле импровизиран камп.
При преземањето на мерки и активности, нерегуларни мигранти отвориле оган кон полицијата. Еден од нив починал, соопшти Министерството за внатрешни работи.
Во рамките на засилената акција за контрола на движењето на мигрантите, во подрачјето меѓу Шид и границата со Република Хрватска, при пребарување на теренот е пронајден импровизиран камп во кој престојувале нерегуларни мигранти.
При спроведувањето на мерките, мигрантите пукале кон полицијата со огнено оружје. Еден од нелегалните мигранти загинал, четири лица се задржани на самото место, а по неколкумина се трага.
