На 22 мај 2025 година, околу 17:00 часот, во полициската станица при СВР Скопје бил пријавен инцидент од страна на 50-годишен граѓанин.
Според неговата пријава, инцидентот се случил истиот ден, околу 13:15 часот, во автобус на Јавното сообраќајно претпријатие (ЈСП), на подрачјето на Кисела Вода.
Како што информира Министерството за внатрешни работи, непознато лице физички ја вознемирувало неговата малолетна ќерка, допирајќи ја по телото. Откако девојчето реагирало и го одбило, осомничениот продолжил со непристојно однесување, при што сам се допирал.
