Почина 25-годишното момче кое беше повредено во сообраќајка во Чаир

Трагичниот инцидент што се случи на 9 мај на улицата „Џон Кенеди“ во Скопје заврши со фатален исход.

Дваесет и петгодишниот мотоциклист А.Ц., кој беше тешко повреден во сударот меѓу мотоцикл „БМВ“ и возило „Рено“, им подлегнал на повредите.

Според информациите од МВР, автомобилот го управувал 57-годишниот Ф.А. од село Визбегово, кој по несреќата бил приведен.

Против него ќе биде поднесена кривична пријава по скратена постапка.