Фото: Принтскрин
Министерството за односи меѓу заедниците годинава потрошило само 6,23 проценти од планираните средства за угостителски услуги, покажуваат официјалните податоци од Буџетот. Министерот Иван Стоилковиќ вели дека ова е резултат на целосна промена во начинот на работа и воведување на одговорно и транспарентно управување со јавните средства.
„Министерството, кое порано беше препознатливо по несоодветно и непотребно трошење, денес е пример за домаќинско работење. Повеќе нема расфрлање со парите на граѓаните за луксуз, скапи ручеци и хедонизам. Целата енергија е насочена кон вистински приоритети – подобрување на состојбата на сите заедници во државата“, изјави Стоилковиќ.
Во текот на еден месец, Министерството потрошило едвај 14.000 денари за угостителски услуги, што е симболичен износ во споредба со минатите години. За споредба, во времето кога со тогашното Министерство за политички систем и односи меѓу заедниците раководеше Артан Груби, според извори, биле потрошени околу 40.000 евра само на нарачки храна од две ќебапчилници.
