Фото: Принтскрин
Здружението „Инженери на Македонија“ поднесе официјално Барање до компанијата ЕВН ХОМЕ ДОО Скопје, која има статус на универзален снабдувач со електрична енергија, со цел да се обезбедат релевантни податоци согласно тарифниот систем за продажба на електрична енергија. Целта на иницијативата е да се поттикне поголема транспарентност во процесот на формирање на цените за крајните потрошувачи.
Во барањето се наведува дека од ЕВН ХОМЕ се очекува да достави детални финансиски извештаи и бруто биланси за 2023 и 2024 година, податоци за набавена електрична енергија во изминатиот период, како и проекции за 2024 и 2025 година. Дополнително, се бараат податоци за вкупниот број на домаќинства и мали потрошувачи што се снабдуваат од компанијата, заедно со нивната потрошувачка во последните 12 месеци.
„Ова барање е поднесено поради сомневања за можни несогласувања во објавените цени и коефициенти при формирањето на цената на електричната енергија, за кои е потребно детално образложение и транспарентна проверка. Целта е да се обезбеди јавно одговорно и отчетно управување со процесот на одредувањето на цената, што е од исклучителен јавен интерес“, соопшти од ИРМ.
