Фото: Принтскрин
Претседателката на државата, Гордана Сиљановска-Давкова, денеска изјави дека веќе го има избрано кандидатот кого ќе го предложи за нов гувернер на Народната банка, но не откри детали за идентитетот на личноста.
Иако се шпекулира со неколку можни имиња во јавноста, претседателката остана воздржана, нагласувајќи дека се водела од критериуми како стручност, искуство и кредибилитет при изборот.
„Не го кажувам прво името пред новинарите, се надевам дека не се лутите, но веќе мислам дека знам. Со право се создаде дебата и прашања, но сепак мислам дека е нешто што треба да се практикува за секоја функција, да седнете со сите кои се споменуваат и да разговарате“, кажа претседателката.
