Фото: Принтскрин/Канал 5
На 18 мај 2025 година, околу 21:35 часот, во СВР Скопје било пријавено дека избувнал пожар во угостителски објект лоциран во населбата Лисиче.
Екипи од Бригадата за противпожарна заштита на Град Скопје веднаш излегле на терен и го локализирале и изгаснале огнот. За време на интервенцијата, сопственикот на објектот, 32-годишен маж, се здобил со изгореница на раката и симптоми од вдишување чад. Тој бил префрлен во Комплексот клиники „Мајка Тереза“ каде што му била укажана лекарска помош.
Полицијата извршила увид на местото на настанот, а причините за пожарот сè уште се утврдуваат.
Видео: Канал5
