Фото: Принтскрин
Членот на Централниот комитет на ВМРО-ДПМНЕ, Валентин Манасиевски, на денешната прес-конференција остро го нападна лидерот на СДСМ, Венко Филипче, обвинувајќи го за дистанцираност од актуелните случувања во државата и сугерирајќи дека тој повеќе време поминувал на луксузни патувања отколку во интерес на граѓаните.
„Здраво Венко, како си? Како беше на палмите во Дубаи? Заев како е, оди ли бизнисот? Харис Џиновиќ пееше ли повторно на ваша приватна забава? Сигурно од времето поминато на песочните плажи, Венко не е запознаен, но да ти кажеме дека камп за мигранти нема да има“, вели Манасиевски.
Манасиевски му одговори на Филипче каков ќе биде договорот, откако лидерот на СДСМ покажа загриженост.
„Сигурно не си чул, но тоа го кажа и амбасадорот на Обединетото Кралство. Сигурно си се заиграл на песоците во Дубаи и не знаеш дека парите од Обединетото Кралство ќе се користат за проекти, а не за плаќање на избори како во твое време? А сега, ќе ти кажеме и каков нема да биде договорот со Обединетото Кралство. Договорот нема да биде како твојот површен за градба на модуларни болници, полн со криминални моменти. Договорот нема да биде ниту како крвавите тендери од 35 милиони евра, договорот нема да биде ниту како обидот за приватизација на јавното здравство како што ти пропагираше, ниту ќе биде како договорите со веледрогеријата Пановски, на чиј сопственик ќерката му ја постави директорка на Клиника, па редевте милионски тендери“, додава Манасиевски.
