Фото: Принтскрин
Полицијата од Куманово поднесе кривична пријава против двајца лица – сопственик и менаџер на локална дискотека – поради непочитување на одлуката на Владата за денови на жалост, прогласени по трагедијата во Кочани во која загинаа 59 лица.
Како што информира Министерството за внатрешни работи, станува збор за лицата Е.М. (35) и А.Р. (25), двајцата од Куманово, кои се сомничат за кривично дело „организирање на отпор“, согласно член 387 од Кривичниот законик.
Инцидентот се случил на 22 март 2025 година, кога пријавените, во својство на сопственик и менаџер на угостителски објект, пуштале гласна музика за време на официјално прогласените денови на жалост. Со тоа, според полицијата, тие директно ја прекршиле одлуката на Владата на Република жМакедонија, со која беа предвидени ограничувања на забавни активности во знак на почит кон настраданите.
