Фото: Принтскрин/Канал 5
Доцна вечерва избувнал пожар во познатиот ресторан „Калај“, лоциран во скопската населба Ново Лисиче. Според првичните информации, огнот започнал од кровната конструкција на објектот, предизвикувајќи вознемиреност кај присутните гости и персоналот, објави „Инфомакс“.
Благодарение на брзата реакција на вработените, сите гости биле навремено евакуирани од просториите, а за среќа, нема пријавени повредени лица.
На местото на настанот интервенирала Противпожарната бригада на Скопје со неколку возила и екипи, кои успеале навреме да го локализираат пожарот и да спречат негово понатамошно ширење кон околните објекти.
Видео: Канал5
