Фото: Принтскрин
Поранешниот претседател на САД, Џо Бајден, е дијагностициран со агресивна форма на рак на простатата, кој, според информациите од неговиот кабинет, веќе се проширил на коските. Веста беше објавена во неделата, а американската телевизија CNN ја пренесе изјавата на тимот на Бајден.
„Минатата недела, поради влошени уринарни симптоми, на претседателот Бајден му беше направена детална медицинска проверка при што беше откриен нов јазол во простатата. На прегледите направени во петокот му беше дијагностициран рак на простатата со присуство на метастази во коските“, стои во официјалното соопштение.
И покрај сериозноста на состојбата, лекарите изразиле оптимизам во однос на понатамошниот третман. „Станува збор за хормонски зависна форма на рак, што овозможува примена на ефикасна терапија“, појаснува тимот на Бајден.
