Фото: Схтм Македонија
На 59. Меѓународна хемиска олимпијада „Менделеев“, која годинава се одржа во Бразил, учествуваа вкупно 192 ученици од 39 држави од сите континенти. Македонија може да се пофали со одличен настап, благодарение на двајца талентирани средношколци кои освоија бронзени медали.
Марио Ванчоски, ученик во СОУ „Славчо Стојменски“ од Штип, и Петар Мирчевски од прилепската гимназија „Мирче Ацев“, успешно ја претставија нашата држава на овој престижен натпревар во областа на хемијата.
Нивниот успех е резултат на посветена подготовка, знаење и упорност, но и доказ за квалитетот на македонското средно образование во природните науки. Меѓународната олимпијада „Менделеев“ важи за еден од најпредизвикувачките научни натпревари за млади хемичари, при што учесниците решаваат задачи со високо ниво на комплексност.
